Maistus precarius : cras sit-in contra a "su lissenziamentu prus mannu in s'istoria de s'iscola italiana"

(IlMinuto) - Casteddu, 1 de su mes''e cabudanni - Appellu contra a cussu chi sa segretaria generali de sa Flc-Cgil Casteddu Efisia Fronteddu definit "su lissenziamentu prus mannu in s'istoria de s'iscola italiana", cun su tàgliu de 1000 postus de traballu scéti in Sardigna. Cun custu obbiettivu su sindacau de is traballantis de sa conoscenzia e su gruppu Facebook "Docenti precari Cagliari" ant convocau po cras a is 11.00 unu sit-in a facc''e sa sedi de su Provveditorau de is Istudius de Su Masu. Sa manifestazioni at essi, forsis, scéti su primu passu in d'una "gherra prus longa", chi at a finiri cun d'unu isciòpiru generali de s'iscola. Is precarius de s'iscola ant fueddau de sa chistioni ariseru a merì in sa sedi de sa Cgil de viale Monastir. In sa reiunioni funt bennias a foras criticas forti contra a su Direttori de s'fíciu scolasticu regionali, Armando Pietrella, accusau de "ai segau prus postus de cussus chi su Guvernu at decìdiu de segai". Esti stetiu respintu puru s'accordiu Baire-Gelmini chi "azzetat is tagluis" e "usat su dinai de sa Regioni po pagai is supplenzas in is scolas de su Stadu".