Iscola: su comitau precari de Casteddu respingit is "cuntrattus de disponibilidadi" presentaus de sa Gelmini. "No a sa limusina soziali"

(IlMinuto) – Casteddu, 4 de su mes''e cabudanni - Is precarius de s'iscola de Casteddu narant no a is "cuntrattus de disponibilidadi" proponius de su Ministru de s'"Istruzione" Mariastella Gelmini: un'oferta, a cantu parrit, rivolgia scéti a is precarius chi in is ùltimus annus ant traballau in s'iscola cun cuntrattus longus. "Su comitau - si podit liggiri in d'una nota - ritenit ca su concordu fattu de sa Gelmini siat assurdu. Riteneus ca is 'cuntrattus de disponibilidadi' siant un'ateru tentativu de rimandai una situazioni chi in is annus at a portai a un'atera perdita de traballu". "Is maistus e is traballantis Ata no azzetant - sighit su testu - un'accordiu chi mortificant su própriu traballu faendiddu passai comenti una limusina soziali". De su Comitau, chi sighit s'ocupazioni de s'ex Provveditorau de su Masu, arribbat su cumbidu "a totu sa cittadinanza de participai a su sit in de protesta" in programma cras a mangianu a is 10.00 a facc''e sa Prefettura de Casteddu, in prazza Palazzo.