Iscola: Sinistra critica sadra, "Sa Gelmini acabbat su caminu cumenzau de Luigi Berlinguer"

(IlMinuto) – Casteddu, 11 de su mes''e cabudanni - "S'iscola italiana est bivendi diris prus tristas de cussas chi bideus oi in crònacas. Totus scint ca una manovra po diminuiri is costus chi funt de circa otu milliardus e chi leant prus de 30milla postus de traballus est una manovra chi tenit conseguènzias socialis tra is prus mabas e tra is prus arrebecas de s'istoria italiana". Principiat cun custus fueddus su documentu chi chistionat de su dinai liau a s'iscola pubblica fattu connosci de Sinistra critica sadra. "Bint'annus aundi si funt spinmpiridaus is diritus in bicculeddus e bint'annus de gutiadórzu professionali - sighit su movimentu anticapitalista - ant fattu apuntinu su disignu bófiu, est po custu chi podit andai in iscena sa primu beru inzénneru de s'iscola azienda, cussa de su modernizadori Luigi Berlinguer e po ùltimu arregalada a sa postmoderna Maria Stella Gelmini". " Ma cussu chi est sussedendi aintru de is iscolas - sighit Sinistra critica - est meda prus grai. Is càtedras benint ispalmadas po garantiri su própriu efetu chi teniant primu de ndi liai su dinai: massimu nùmeru de alunnus po classi, mínguu nùmeru de maistus po iscola, massimu impignu po sa tappesseria aziendali connota comenti "Piano di offerta formativa". In custu sensu s'auguraus chi si manifestit in dognia logu su disacórdiu de parti de is maistus po podit liai a is dirigentis e a is Pof totus is propostas de progetazioni de s'iscola".