Iscola: Psd'Az; no a s'acórdiu Baire-Gelmini

(IlMinuto) - Casteddu, 10 de su mes''e cabudanni -  Sa vertenza instruzioni oberrit una schinnidura in sa magiorànzia de centrudestra in Regioni. Cun d'una mozioni presentada in Consillu regionali is esponentis de su gruppu sardista pedint a sa Giunta de "no ratificai in nesciunu modu s'acórdiu firmau in data 31 de su mes''e argiolas 2009 tra su ministru de sa Repubblica italiana Gelmini e s'assessori de sa 'Pubblica Istruzione', Maria Lucia Baire". " Su princípiu de sa sussidiaredadi - si podit liggiri in sa mozioni - obbligat su Stadu a assòlviri a is próprius doveris respetendi is campus de responsabbilidadi de is ateras istituzionis, ca no funt cumpatìbilis cun is formas de collaborazioni (...) segundu is calis su Guvernu decidit e is Regionis pagant is costus de custas senténzias".