Iscola: mozioni centrusinistra contra a s'accordiu Baire-Gelmini. Sighit sa mobilitazioni de is precarius de s'iscola

(IlMinuto) – Casteddu, 14 de su mes''e cabudanni - Sighit s'ocupazioni de s'Ufíciu "scolastico provinciale" in Su Masu e in Tàtari est in cursu unu sit in de protesta de is precarius de s'iscola, is rappresentantis de s'opposizioni de centrusinistra in Consillu regionali ant fattu una mozioni contra a s'accordiu Gelmini-Baire,accordiu de sa fin'e su mes''e argiolas. "Apu preparau una mozioni noa - spiegat Marco Espa de su Pd - po fai abrogai s'accordiu a pèrdiri po s'iscola sadra tra Guvernu e Regioni". Is consilleris regionalis pedint sa convocazioni estraordinaria de s'Assembrea de via Roma possibilmenti po su 18 de su mes''e cabudanni. In su mirinu s'accordiu Baire-Gelmini firmau - comenti arregodat su "Coordinamento precari Cagliari" - puru de sa Cisl e de Uil. Sa mozioni impegnat sa Giunta regionali a annullai "puru si una parti scéti" s'accordiu tra "Ministrero dell'Istruzione" e Regioni Sardigna po sa realizzazioni de interventus finalizzaus a s'integrazioni e a su potenziamentu de s'oferta de s'instruzioni". "Is 20 milionis de eurus de is fondus regionalis - si podit liggiri in su testu - previdius de s'accordiu Gelmini-Baire funt pagu cosa si cunfrontaus a is nezzessidadis de is iscolas, e benint furaus a s'iscola pubblica chi pigat custu dinai po progetus finalizzaus a cumbattai sa dispersioni scolastica e po sustèniri s'autonomia organizzativa de is istudiantis de de is alunnus diversamenti abilis". Cun sa consèguenzia - precisat su documentu - de creai "unu damnu meda mannu a is iscolas postas in condizionis de reduiri sa própriu oferta formativa a annu scolastico cumenzau". Contra a is taglius a s'iscola pubblica e contra a s'accordiu Baire Gelmini est puru in programma una manifestazioni noa po sa primu diri de iscola: maistus, ausiliarius, amministrativus e tènnicus a arriscu de abarrai senz''e traballu ant a manifestai su magianu de su 17 de su mes''e cabudanni a facc'e de sa sedi de sa Regioni in viale Trento in Casteddu. Puru Aristanis si movit: cras a is 17.00 est in programma un'assembrea noa de is precarius in sa sedi de s'Etp.