Iscola: Irs, "Unionistas e autonomistas còmplicis de su diroccamentu de s'instruzioni sadra"

(IlMinuto) – Casteddu, 10 de su mes''e cabudanni - "Ancora una borta su Stadu italianu dimostrat su própriu inevitàbili disimpegnu politicu po is sortis de sa Sardigna, cun sa solita condiscendènzia e complicidadi de is partidus unionistas e autonomistas de su centru, de destra e de sinistra. Sa própriu genti chi s'est alternada in su Guvernu de s'isola no at fattu nudda, sia puru tenendi màrginis de interventu e calidadis ispecificas in matéria, po acastiai su sistema sadru de s'Instruzioni. Cun custus fueddus s'Irs donat a totu sa classi politica regionali - escludendi is indipendentistas - sa responsabbilidàdi de su "diroccamentu" de  s'iscola pubblica sadra". "S'Irs - si podit liggiri in sa nota stampa fatta connoscide su movimentu de Gavino Sale - esprimit sa própriu totali e cumpleta solidariedadi a is traballantis precarius de s'iscola sadra chi, po difèndiri su própriu traballu, fillu de sa dignidadi de dognia cristianu, ant ocupau sa sedi de s'Usp de Casteddu".