Immigrazioni: in circa de su vaccinu contra a su virus de su razzismu. Dibatidu a sa "Festa di Liberazione" de Su Masu
IlMinuto) – Casteddu, 7 de su mes''e cabudanni - "Murus de arreticulau imbussaus de plexiglass. Blindaus de s'esèrcitu a giru a giru de su perimetru de su Centru. Genti - piciocus tra is 23 e is 24 annus - inserrada in grupus de sesi-noi personas senza tenniri sa possibilidadi de pigai un'ora de aria a sa diri". Aici su capugruppu de su Prc in su consillu comunali de Su Masu, Ivan Lai, at descrittu is condizionis de vida aintru de su Cpa de Su Masu. A metadi de su mes''e argiolas s'esponenti de su Prc iat visitau - impari cun sa parlamentari de is radicalis Rita Bernardini - su "Centro di Prima accoglienza" de Su Masu, aundi ddoi furiant 115 immigraus, tra custus una femina chi furiat aspettendi unu pipiu. De su tema de s'immigrazioni e de is dirittus de is immigraus s'est chistionau cenabara a merì in Su Masu, in sa serada de sa "Festa di Liberazione".
Partendi de s'analisi de is condizionis de vida in su Cpa, Roberto Loddo de s'"Associazione 5 novembre" at fattu sa proposta a chini furiat presenti in su dibattidu de firmai s'appellu po podi istituiri unu Garanti provinziali e regionali po is diritus de sa genti privada de sa libertadi. Comprèndius, in custu casu, puru is immigraus inserraus in su "Centro" de Su Masu. In is ultimus mesis, esti stetiu precisau, seus assistendi a una reduzioni de su nùmeru de personas chi pedint asilu e chi benint de Lampedusa. "No arribbant prus e no ant arribbai prus - at ispiegau sa vicepresidenti de sa Provìnzia de Casteddu Angela Quaqquero - poita funt morendi in mari".
Quaqquero puntat su didu contra a sa lei chi at fattu diventai sa clandestinidadi una culpa. "No seus meda attesu de is leis razzialis de 1936", at precisau. "In Italia - at ispiegau su studiosu de Antropologia Francesco Bachis - su virus de su razzismu furiat comenti unu motori perfettamenti ollau, chi funzionat e chi est prontu a torrai a partiri. Immoi funt arrutus is frenus inibitorius". Unu virus, at ispiegau su responsabili nazionali de is "Politiche per l'Immigrazione" de su Prc, Stefano Gallieni, chi parrit imbrutai puru sa comunidadi de su Prc. De una dimanda fatta pagus tempus fait est bessiu una "alta percentuali de genti a favori de is respingimentus tra is personas chi s'agantant a su costau de Rifondazione".
Partendi de s'analisi de is condizionis de vida in su Cpa, Roberto Loddo de s'"Associazione 5 novembre" at fattu sa proposta a chini furiat presenti in su dibattidu de firmai s'appellu po podi istituiri unu Garanti provinziali e regionali po is diritus de sa genti privada de sa libertadi. Comprèndius, in custu casu, puru is immigraus inserraus in su "Centro" de Su Masu. In is ultimus mesis, esti stetiu precisau, seus assistendi a una reduzioni de su nùmeru de personas chi pedint asilu e chi benint de Lampedusa. "No arribbant prus e no ant arribbai prus - at ispiegau sa vicepresidenti de sa Provìnzia de Casteddu Angela Quaqquero - poita funt morendi in mari".
Quaqquero puntat su didu contra a sa lei chi at fattu diventai sa clandestinidadi una culpa. "No seus meda attesu de is leis razzialis de 1936", at precisau. "In Italia - at ispiegau su studiosu de Antropologia Francesco Bachis - su virus de su razzismu furiat comenti unu motori perfettamenti ollau, chi funzionat e chi est prontu a torrai a partiri. Immoi funt arrutus is frenus inibitorius". Unu virus, at ispiegau su responsabili nazionali de is "Politiche per l'Immigrazione" de su Prc, Stefano Gallieni, chi parrit imbrutai puru sa comunidadi de su Prc. De una dimanda fatta pagus tempus fait est bessiu una "alta percentuali de genti a favori de is respingimentus tra is personas chi s'agantant a su costau de Rifondazione".
© RIPRODUZIONE RISERVATA