Gruppo intervento giuridico e Amici Terra: siat sa Buffalo Gold a pagai is costus po is accidentis ambientalis de Futtèi

(IlMinuto) – Casteddu, 10 de su mes''e cabudanni - Cali iniziativas funti stetias fattas po ponni in seguresa e po bonificai su cantieri minerariu de Futtèi e po ottèniri su pagamentu de is ispesas de parti de sa multinazionali Buffalo Gold ltd, soziedadi chi controllat sa Sardinia Gold Mining in custu momentu in liquidazioni? Est cantu dimandant cun d'una "dimanda de informazionis de tipu ambientali e de adottazioni de interventus" - a su ministru de s'"Ambiente", a su presidenti de sa Regioni Sardigna, a s'assessori de s'"Industria" e a cussu de sa "Difesa dell'Ambiente", a su sindigu de Futtèi, a commissàriu de s'Arpas e a aterus entis - su "Gruppo d'intervento giuridico" e is "Amici della Terra". "Sa Sardinia Gold Mining - si podit liggiri in d'unu documentu firmau de is duas organizzazionis - at abbandonau su cantieri minerariu senza fai is nezzessarias operazionis de seguresa e de bonifica ambientali". Cun d'una delibera de su 20 de su mes''e argiolas de ocannu sa Regioni at donau 250milla eurus po sa gestioni de is accidentis ambientalis de s'area. Ancora no s'est biu un'euru de parti de is privaus chi ant fattu cust'iscempiu. "Nemancu unu soddu - narant is associazionis ambientalistas - depit andai a sustentai su guadàngiu privau".