Fogus: donaus 1,4 mln de eurus po pigai sa cos''e pappai po is bestias de is 900 aziendas chi ant tentu dannus

(IlMinuto) – Casteddu, 3 de su mes''e cabudanni - Unu milioni e 400milla eurus po pigai sa cos''e pappai po is bestias: est sa cifra donada de sa Regioni - atressu is Comunus - a circa 900 aziendas de massaius chi ant tentu dannus po mori de is fogus de sa fini de su mes''e argiolas. Ddu narat cun d'unu comunicau stampa s'assessorau regionali de s'"Agricoltura". Depit essi in veci ancora istabiliu comenti usai unu milioni e 600milla eurus destinaus de su "collegato" de sa Finanziaria. Sa proposta de s'assessorau est cussa de usai custu dinai po pagai is recintus.