"Comitato precari scuola Cagliari": una campagna po informai is familias

(IlMinuto) – Casteddu, 24 de su mes''e cabudanni - Una campagna chi chistionit a is familias de is conseguènzias de su dinai liau a s'iscola pubblica po mori de su Guvernu. At essi custa s'iniziativachi at a fai su "Comitato precari scuola Cagliari", chi sighit a ocupai s'ufíciu "scolastico provinciale" in Su Masu. In s'ùltima nota stampa fatta conòsciri, su Comitau commentat puru s'atóbiu de is ùltimas diris de su Consillu comunali de Casteddu, dedicada po s'appuntu a su tema de s'instruzioni. "No est possibbili evitai de notai - scrint is precarius - sa totali ignorànzia e superficialidadi po su modu usau de medas consilleris de trattai s'argomentu, medas ant finzas commentau s'ausenzia de is nominas de parti de su Provveditori, fattu meda gravi, comenti una cosa de pagu contu". "Is consilleris de sa  mazorànzia - spiegat sa nota - forsis ignorant ca is nominas fattas in su mes''e austu funt scéti una minima parti de cussas cumplessivas chi s'ant a depi fai e ca unu datu aicci, po chi conoscit is nùmerus de s'iscola, est drammàticu".