"Comitato Precari Scuola Cagliari": no a su decretu "Ronchi" po is cuntrattus de disponibilidadi

(IlMinuto) – Casteddu, 15 de su mes''e cabudanni - Unu no siccu a sa bozza de su decretu "Ronchi" chi bollit donai vida a is cuntrattus de disponibilidadi "comenti 'soluzioni' ministeriali a is migliajas de lissenziamentus in s'iscola". Esti stetia custa sa conclusioni de s'assembrea de is ocupantis chi s'est tenta ariseu in is aposentus de s'Ufíciu "scolastico provinciale" in Su Masu. "Torraus a confirmai - si podit liggiri in su comunicau stampa de su 'Comitato Precari Scuola Cagliari'- su nostru refudu siccu po una proposta chi mortificat su traballu nostru e mortificat puru s'immensa fila de is precarius chi s'annu passau no at tentu nesciunu traballu". Custumerì a is 16.00 est in programma un'atóbiu cun su "Forum delle Associazioni della Scuola". A is 17.00 ddoi at depit essi sa visita de solidariedai a is precarius de su cantautori Piero Marras.