S'isfida de s' Irs a Flavio Briatore. Manifestazioni in Altzaghèna

(IlMinuto) - Casteddu, 6 de su mes''e austu - Gavino Sale isfidat Flavio Briatore. Custumerì a is 19.00 is militantis de s'Irs ant a manifestai a facc''e sa sedi de su comunu de Altzaghèna po protestai contra a sa cuncessioni de gosamentu de su pinedu de Capriccioli donada a unu de is localis de su manager. Su movimentu indipendentista at a cabai in campu po difèndiri is giòvanus de Altzaghèna chi in is cidas passadas iant manifestau contra a sa serradura de s'area - cuncedia a su "Rubacuori" de Briatore - e a is calis esti stetiu pediu unu recumpensa  po damnus de prus de 300milla eurus.