A Manca: protesta a facc''e sa presoni de Catanzaru. Cras sit in in Casteddu e in Tàtari

(IlMinuto) - Casteddu, 11 de su mes''e austu - Est arribbada finzas in Calabria sa protesta de A Manca pro s'Indipendentzia. In su presoni de Catanzaru est inserrau de sa fin''e su mes''e argiolas Bruno Bellomonte, su dirigenti de su movimentu indipendentista arrestau cun s'acusa - senz''e fundamentu po Amp - de at participau a costruiri de nou is Br. Ariseru a mangianu una delegazioni de A Manca at atobiau su prefetu de Catanzaru po dimandai su respetu de is normas e de is protocollus in matéria de territorialidadi de sa pena. Segundu cantu nau in su comunicau de Amp su prefetu at rispostu de "no essi cumpetenti" e at passau sa chistioni a su Ministeru de sa Giustizia. Sa protesta de A Manca sighit dei oi e totu cun d'unu sit a facc''e su presoni de Sianu-Catanzaru. Cras, acanta 'e sa protesta de Tàtari, a Manca at a fai una manifestazioni a facc''e su Tribbunali de Casteddu. At essi presentada puru sa dimanda po pediri de respetai su critériude territorialidadi de sa pena a sa Commissioni Diritus Civilis de su Consillu regionali e, in Roma, a su Dipartimentu "Amministrazione Penitanziaria".