A Manca: "Bellomonte no est unu brigatista". Sit in mèrcuris a mangianu in Tàtari

(IlMinuto) – Casteddu, 10 de su mes''e austu - Sighit sa mobilitazioni de A Manca pro s'Indipendentzia po agiudai Bruno Bellomonte. Su movimentu indipendentista at convocau po mèrcuris a mangianu a is 10.30, a facc''e su Tribbunali de Tàtari, unu sit in po chistionai - si podit ligiri in d'una nota - de sa cundizioni de impresonamentu de su cumpangiu de s'organizzazioni nostra". Bellomonte esti stetiu arrestau su 10 de su mes''e lampadas passau cun s'acusa de ai fattu parti a unu tentativu po torrai a costruiri is Br. "S'acusa chi ddi benit fatta - narat Amp - est assolutamenti inbentada poita su cumpangiu Bellomonte no est e no esti mai stetiu unu brigatista, ma esti stetiu impignau po tant'annus e cun valori stremenau in sa lota po sa libberazioni nazionali e soziali de su pópulu sadru". A pustis de unu primu períodu passau in isolamentu in Regina Coeli in Roma, de su 25 de su mes''e argiolas Bellomonte s'agatat inserrau in su carceri de Catanzaru. "In sa prus totali violazioni - ispiegat su comunicau - de sa lei 354 de su 1975 chi narat 'nel disporre i trasferimenti deve essere favorito il criterio di destinare i soggetti in istituti prossimi alla residenza delle famiglie'".