Dr. Drer e Crc Posse in finali po su Festival de is linguas minoritarias. Apuntamentu su 12 de su mes''e cabudanni in Udine cun "Apu biu"

(IlMinuto) - Casteddu, 18 de su mes''e austu - "Apu biu sa genti fuendisì de sa terra nostra po duus soddus unu prat'e minestra". Cun custus fueddus cumenzat "Apu biu", su pezzu cun su cali Dr. Drer e sa Crc Posse funt arribaus a is finalis de "Suns, Festival delle lingue minoritarie", chi s'at a tèniri in Udine su 12 de su mes''e cabudanni. "Cust'arribbu - spiegat Drer - est unu riconoscimentu meda importanti po nosu. De s'usu de sa lingua sadra totus fadeus una bandera e un'impegnu mannu in sa musica e in sa quotidianidadi". Su pezzu, chi fait parti de su cd autoprodottu "Sega sa Cadena" de su 2005, "chistionat de sa terra nostra, de s'occupazioni militari, genericamenti de sa mal'usanza". Sa Crc Posse, attiva de su 1992, at arregalau in is annus una proposta politicu-misicali sempri prus curada. "Realizzaus totu nosu - spiegat su Dotori -  cun s'agiudu de medas musicistas de su logu. In is ultimus annus eus puntau a migliorai s'aspettu live e si seus impegnaus a fai conòsciri on line is pezzus nostrus, cun 30milla downloads de is canzonis". Sa pubblicazioni de su discu nou - cun pezzus presentaus in is concertus isolanus - est previdia po attòngiu.