Concertus: hard rock, Pino Scotto soddisfat is aspettativas

(IlMinuto) - Casteddu, 24 de su mes''e austu - Pino Scotto at soddisfau is aspettativas. Cenàbara a notti in su Calypso, su cantanti de Monte di Procida at offertu a is circa milla appasionaus presentis casi duas oras de hard rock e de spàssiu. Sa band - unicu neu unu chitarrista troppu "barocco" e, in prus, no sempiri prezisu - at alternau cun sapienzia canzonis bèccias de is Vanadium (comenti "Run too fast") cun canzonis prus noas. Sa boxi de Scotto (60 annus in su mes''e ledaminis) at sighiu su ritimu finzas a sa fini de su concertu e no at tentu nisciunu problema. Tra una canzoni e s'atera su cantanti no at risparmiau a su pubblicu de Casteddu is commentus "politicamenti dislealis" chi proponit de annus po Rock Tv. Funti stetius criticaus de Scoto musicistas comenti Vasco Rossi e Ligabue ("chi pensant scéti a si preniri is busciaccas") e totu sa classi politica nazionali. S'ispettaculu esti stetiu serrau cun d'unu "medley" a metadi tra duus classicus de is annus Settanta: Long Live Rock'n'Roll, de is Rainbow de Ronnie James Dio e Ritchie Blackmore, e Rock'n'Roll de is Led Zeppelin.