Traballu: a facc''e su Consillu s'inchietudini de is precarius

(IlMinuto) - Casteddu, 9 de su mes''e argiolas - Si respirat inchietudini e amaresa tra is centu precarius de s'amministrazioni pubblica chi custu mangianu manifestant a facc''e su Consillu regionali de via Roma. "Sa Lei Finanziaria parriat at arregortu is istanzias nostras - narat una traballanti chi preferit abarrai anonima - beru est ca su "collegato" no donat concretesa a is impegnus pigaus". Tra is precarius chi ddoi funt a su sit in de Cgil, Cisl e Uil, ddoi est puru una rappresentanza de s'"Agenzia regionale protezione ambiente", fatta de traballantis chi tenint unu cuntrattu chi scadit tra su mes''e totussantus e su mes''e de paschixèdda. A sa fin''e s'annu ant a scadiri puru is contrattus de circa 400 applicaus a sa gestioni de is museus. "Pedeus sa stabilizzazioni de is postus de traballu - narat Alberto Pusceddu de su Comitau "Lavoratori beni culturali" - a oi s'unica arrespusta concreta esti stetia sa pròroga de is finanziamentus".