Teatru e musica: “Tenebras” de Catinari cras in Sarròccu

(IlMinuto) - Casteddu, 15 de su mes''e argiolas - Fueddus, musica e videus po unu viàgiu notturnu in s'anima niedda de sa Sardigna. Cras in Sarròccu at andai in iscena “Tenebras, racconti dalla penombra” (21.30, villa Siotto). S'opera nascit de un'idea de Davide Catinari, boxi e leader de is Dorian Gray, gruppu istoricu de sa scena rock sadra. Is sonus e is visionis de “Tenebras” funt accumpangiadas de quattru istorias de atmosfera crepuscolari e misteriosa, scrittas de Cristiano Bandini e contadas in scena de s'attori casteddaiu Elio Turno Arthemalle cun s'agiudu de is immàginis de su regista Paolo Carboni e de is luxis de Loic Hamelin. S'ispettaculu est arricchiu de s'accumpagnamentu musicali de is Dorian Gray.