Palomba e Cocco: tirai is manus de Veterinaria

(IlMinuto) - Casteddu, 21 de su mes''e argiolas -  Salvai sa Facoltadi de Veterinaria de Tàtari. Cun custu obbiettivu su coordinadori regionali de s'Italia dei Valori, e su Consilleri regionali Daniele Cocco dinunziant "su decretu assurdu emanau de sa Ministra Gelmini chi at penalizzau gravementi sa Facoltadi de Veterinaria de Tàtari, casi smesendi su nùmeru de is iscrizionis". Su nùmeru de is immatricolazionis po su 2009/2010 esti stetiu abbasciau de 43 a 26. "Sa gloriosa Facoltadi de Veterinaria - spiegant - tenit unu ruolu essenziali in d'una sociedadi agropastorali comenti cussa sadra". Po Cocco e Palomba su diminuimentu de su nùmeru de is immatricolazionis iat podi essi puru su primu passu po serrai sa Facoltadi. "Su Ministru - precisant - at prus bias annunziau in is sedis istituzionalis de bolli serrai is cursus de laurea chi tenint prus pagu de 30 istudiantis".