Fogus: Zuncheddu, "Pianu criminali? Si su Presidenti scit calicosa de prus depit chistionai".

(IlMinuto) - Casteddu, 31 de su mes''e argiolas - Sa desertificazioni de sa Sardigna est comoda po is interessus de chini bollit usai su territoriu sadru po costruiri centralis nuclearis e po su depósitu de ferrinas". Custu agiudat chi bollit allargai sa militarizzazioni de sa regioni o disigiat cumenzai unu progetu de edilizia foras de contu. Est cantu at nau sa Consillera regionali de is Rossomori, Claudia Zuncheddu, in sa cuferéntzia stampa aprontada po chistionai de is fogus chi cida passada ant devastau s'Isola. "Su centrudestra chistionat de unu 'pianu criminali'- narat Zuncheddu. "IPonni fogus, bociri sa genti, is animalis, s'ambienti est una cosa criminali. Si su Presidenti Cappellacci scit calicosa de prus ddu depit nai. Pensu ca is fogus siant scéti una de is partis in cumèdia, ma no is prus importantis".