Festival: Sèneche, sa Regioni fait una reduzioni de su 60 po centu de is finanziamentus a su "Settembre dei poeti"
(IlMinuto) - Casteddu, 21 de su mes''e argiolas - Sèneche est troppu pitica e pagu importanti po si podit permìttiri unu festival comenti su 'Settembre dei poeti'?". Est cantu dimandat un'appellu pubblicu fattu de s'associazioni "Perda Sonadora", chi de quattr'annus aprontat s'apuntamentu in custa bidhixedda de sa Provincia de Aristanis. "Su dinai chi sa Regioni garantìat a su festival de sa poesia de Sèneche - si podit liggiri in s'appellu - est diminuiu de su 60 po centu, passendi de 25milla a 10milla eurus". Immoi, spiegant is organizzadoris, su futuru de s'iniziativa est consignau a sa "capazzidadi e a sa voluntadi de is senighesus". S'iscrizioni a s'associazioni e sa partecipazioni a s'iniziativa funt is modus prus giustus po sustèniri su festival e is primus de su mes''e austu est in programma una diri po sensibilizzai sa cittadinanza.
© RIPRODUZIONE RISERVATA