Dromos 2009: in Aristanis su jazz de Abdullah Ibrahim

(IlMinuto) - Casteddu, 27 de su mes''e argiolas - Sighit cun d'una serada a s'insegna de su jazz su festival Dromos 2009 "Clandestino". Custumerì in Aristanis (22.00, piazza Eleonora) at essi in scena su pianista sudafricanu Abdullah Ibrahim: musicista chi at biviu asuba de cussu e totu sa condizioni de clandestinidadi, po scampai in su 1962 a sa persecuzioni razzista de s'apartheid. Su jazzista at essi accumpangiau de Balden Bullock a su contrabbassu e de su batterista George Gray.