Dpef: Sanna (Irs): Scéti 18 millionis a sa Sardigna? Est sa trassa chi andat ainnantis de unu cincuantenniu"

(IlMinuto) - Casteddu, 31 de su mes'e argiolas - "Aùndi furiant is rapresentatis nostrus in su Parlamentu italianau candu un'annu fait su Ministeru "Competenze" apròvat su "Piano delle infrastrutture?" Est sa dimanda chi su rapresentanti de s'Irs, Frantziscu Sanna - Maistu de "Sociologia" a sa "Sapienza" de Roma - fait in sa home page de su sito de su movimentu indipendentista a sa classi politica sadra "unionista e autonomista". "Is nostrus - narat Sanna - faint finta de s'ispantai candu intendint ca su Dpef, po aterus duus annus, at a donai scéti 18 millionis de eurus po sa Sardigna. Custu puru si sa trassa pigada est sempiri sa própriu de cincuant'annus".