Domu: Prc, mercau bogat migliajas de citadinus de Casteddu. Cras presidiu Rdb-Cub a facc'e su Consillu regionali

(IlMinuto) – Casteddu, 28 de su mes''e argiolas - "In is ùltimus annus sa citadi de Casteddu esti stetia ogetu de continuas sfarisis de su mercau immobiliari chi ant bogau de sa citadi migliajas de citadinus chi no teniant sa possibbilidadi de pigai is mùtuus poita tropu carus, de s'atera parti sa libberalizazioni de is cànonis e sa crisi sempri prus pressosa at indebilitau sempri de prus sa possibbilidadi po genti meda de si podit pigai una domu a pagu préziu". Est cantu afirmat cun d'una nota sa Segretaria de su círculu Gramsci de Casteddu de su Prc, Laura Stochino. Sa candidada prus votada in Sardigna in is listas de su Prc-Pdci a is elezionis europeas, annunziat puru s'unioni de su "Gramsci" a su presidiu - bófiu de s'Rdb Cub po cras a fac''e su Consillu regionali - po blocai is isfratus annunziaus de s'Area in su cuarteri casteddaiu de Sant'Elia e in cussus nugoresus, e po firmai is isbarazzus e otèniri una sanatoria. "Castiendi a custas continuas trebeas de su diritu a sa domu - sighit s'esponenti de su Prc - s'Area (ex Iacp) agiudat su scontru de is classi boghendi in Nùgoro e in Casteddu is ocupantis e rebuzendi a cras sa chistioni de su diritu po totus de tenniri unu logu aundi podi costruiri sa própriu vida".