Domu: Amp, "Tocat firmai senz''e perdi tempus totus is isbarazzus"

(IlMinuto) – Casteddu, 30 de su mes''e argiolas - Tocat a firmai senz''e perdi tempus totus is isbarazzus e tocat a fai una sanatoria po totus is famílias chi ant ocupau una domu. Funt custus is puntus importantis po su movimentu A Manca pro s'Indipendentzia, chi "lamat a sa lota su pópulu sadru" contra a is centinas de isfrattus annunziaus de s'Area. "In is cittadis nostras - si podit ligiri in d'unu documentu - s'edilizia est in is manus de is grupus de speculeris chi cumandat su mercau de sa domu e faint aumentai is afitus in d'unu modu spropositau. In d'unu momentu comenti 'e custu no ddoi est de si spantai si medas sadrus no ant agatau un'ateru modu chi no cussu de ocupai una de is medas domus sbuidas".