Concertus: Ratapignata, cenàbara sa presentazioni de s'album nou in su Corto Maltese

(IlMinuto) - Casteddu, 15 de su mes''e argiolas - Funt a su segundu album is Ratapignata. Cenàbara a is 22.00 ant a presentai unu traballu nou, "Sonu e’ Magasinu”, cun d'unu concertu in su Corto Maltese, riba Puettu de Casteddu.
Is Ratapignata, cun d'unu stili tra su Ska e su Reggae, animant is palcus sadrus e nazionalis de su 1998. Sa musica de sa band, spiegant in MySpace, est "un'impastu de stilis, de ritmus e de sonus, arricchia de is testus in lingua sadra de Lele Pittoni”. “Son’e Magasinu - specificat sa band - est un'album totalmenti autoprodusiu, un'album registrau in su studiu nostru cun sa guida de s'ingegneri de su sonu e produttori artisticu Enrico Rocca”.