In Casteddu su FestivalScienza

Dae su 7 a su 12 santandria s’Exma de Casteddu torrat a ospitare su FestivalScienza cun 23 laboratòrios, 14 cunferèntzias, 11 presentadas de libros e, galu, mustras, animatziones, cuntzertos, mesas tundas, progetos ispetziales e prèmios dedicados a sas fèminas. Su tema de ocannu est su de sa contaminatzione e, movende dae custu cuntzetu, unu de sos momentos tzentrales est rapresentadu dae sa mesa tunda in programma in s’Exma su 10 de santandria dae sas 10 in ue s'at a faeddare de su raportu intre sas disciplinas pro contribuire a unu fràigu dialèticu e intercunnètidu. Su fèstival sighit in Aristanis (su 12 e su 13), in Nùgoro (su 13 e su 14), in Senobrì e Ìsili (dae su 20 a su 23) e in Igrèsias (dae su 27 a su 29)