Fer e àreas idòneas, Zuddas: «Su Ddl 45 est una farsa»

«Su Ddl 45 in contu de àreas idòneas est una farsa e nde bogat sa caratza a sa voluntade polìtica de sa Giunta regionale e de sa Presidente». No est a totu chi – dae intro de sos comitados – cumbinchet su disegnu de lege de sa Regione pro su chi pertocat sos tretos dèghidos o mancu pro bi pònnere sas rinnovàbiles. Michele Zuddas, avocadu intre sos animadores de sa cuntierra e de sa proposta Pratobello 24 custu narat: «A bos l’ammentades cando sa Presidente afirmaiat chi sos progetos in fase de realizatzione non podiant èssere blocados? Dietro front. Pro nos cumprèndere: si su progetu de Biddacidru nche diat dèvere rùere in intro de àreas no idòneas sa lege l’at a blocare cando chi pro meses nos at naradu sa Presidente chi blochende·lu aiat cajonadu una cuntierra cun pèrdidas». Mentovadas finas sas dèrogas possìbiles dae parte de sos Comunes: «Totu podet èssere blocadu ma totu s’at a pòdere fàghere in dèroga. Cada àrea at èssere idònea», serrat Zuddas, che chi totu sos Comunes dèroghent. «Sa Presidente nostra sighit a pensare chi nois sardos semus una gama ignorante».