Peruna vacàntzia pro sa protetzione de sos ogros, s'Iapb in sas prajas

Fintzas ocannu Iapb Italia onlus nch’at giutu a sas prajas de sa costera orientale nugoresa sa campagna ‘Porta la prevenzione in vacanza con te’ pro sensibilizare sas persones a si contivigiare sos ogros fintzas in sas dies de pasu. Sas chidas coladas sos voluntàrios de sa setzione nugoresa de s’Unione Italina Ciechi ed Ipovedenti ant chistionadu cun sos turistas de Ottiolu, li Cucutti, sa Capannizza, Baia sant’Anna e Matta ‘e Peru dende·lis informos in contu de amparu dae sos rajos, de impreu dèghidu de sas lentes, de idratatzione, de protetzione dae sa rena e dae su bentu.