Domos isrobbadas, sos oriolos de sos betzos

Cunforma a una chirca de s’ufìtziu istùdios de Confartigianato Imprese Sardegna, movende dae sos datos Censis e Eurispes, sas domos isrobbadas rapresentant s’oriolu prus mannu pro su 43% de sos betzos. Mescamente de sos chi istant solos. E mescamente in istiu, cando sas fèrias de sos chi traballant faghent menguare su controllu comunitàriu. Sa prima règula – narant dae Confartigianto, est sa «cramare sas fortzas de s’òrdine». Àteras racumandatziones: «contivigiare sos bighinos, annànghere su nùmene de unu parente o de unu fìgiu in su tzitòfonu pro fàghere a cumpèndere de no istare solos, mai lassare sas craes suta su tapete».

foto pexels