Su fràigu de Roma de sos datos eletorales
![puzzle elettorale](/sites/default/files/styles/header_md/public/upload/2023/12/puzzle%20elettorale.jpg?h=feadb981&itok=dNY2Cpbi)
A banda pro un’iscuta sos datos eletorales, s’idea de sa Sardigna la dat su ritardu in sa comunicatzione de su datu generale de s’afluèntzia in pessu tancados sos sègios, sa mancàntzia de projetziones, sa modalidade “fràigu de Roma” carrighende sos datos dae sos Comunes. Sa Regione sighimus a la bìdere comente una màchina burocràtica chi no est a tretu de fàghere su suo. E custu no in custas oras ebbia. Sas rispostas a sos sardos in custos annos (ma gasi etotu in sos chimbe in antis, pro èssere craros) sighit su matessi tràgiu: sanidade, istrutzione, traballu etc. Sos datos sunt galu essende, a bellu a bellu, e galu – a un’ora dae sos tèrmines de lege - non s’ischit si binchet Truzzu o Todde. Nen si Soru nche colat su tantu netzessàriu istabilidu dae una lege eletorale chi issu connoschet prus chi non bene. Ma su chi contat, pro como, est custu. Sa Sardigna comente est e comente non devet èssere.