Iscòrias nucleares, sa presidente Todde cunvocat a Pichetto Fratin

Un’addòbiu urgente. Est custu su chi sa presidente de sa Regione Alessandra Todde at pedidu a su ministru de s’Ambiente Gilberto Pichetto Fratin. S’ogetu de custa cunvoca pertocat sos sèberos in contu de resùgios radiativos. Sa chistione est su depòsitu “natzionale”. «Sa Sardigna at giai espressadu prus de una bia sa contrariedade sua», narat Todde. Mentovados su deliberadu consiliare de su 2021 cunfirmadu cun s’odg 15/XVII de su 3 de nadale de ocannu, ma fintzas su referendum de su 2011 in ue 97% de sos votantes nargeit chi nono «a cale si siat installatzione nucleare in s’ìsula».