Gosos e unu murale in Bitzi ammentende a sa poeta Efisina de Grimenta

S’assòtziu culturale Sinnos e sa domo cumonale de Bitzi, cun sa collaboratzione de àteros assòtzios bitzichesos inagurant su 25 de maju a sas 7 de sero, in su bighinadu de Sant'Ànghelu, sa pintura murale dedicada a sa poeta Efisina de Grimenta, (1866-1945). Sa manifestatzione, intitulada “Contra a sa gherra”, serrat su progetu de pintura murale aprontadu dae Diegu Asproni cun sa collaboratzione artìstica de Francesco Del Casino, Nando Setzi e Lorenzo Calzone.

S'òpera chi ant a inagurare, est pintada in una fatzada de muru a pagu tretu dae sa domo de sa poeta chi, cun sos versos suos, at cunfortadu sas famìlias de sos parentes mortos in sa prima gherra mondiale. In pare cun s’inauguratzione de su murale b’at a èssere una resada de sas poesias suas e sos càntigos de coros e tenores de sa bidda cun sos gosos pro sos mortos in gherra. Se marcare s’impinnu de Francesca Pittalis e de Lucia Prejata chi ant collidu e publicadu tortu sas poesias de Efisina de Grimenta.

m.p.