Protestas de su late, assòlvidos sos pastores

In su tribunale de Nùgoro oe ant lèghidu sa sentèntzia de su protzessu contra a sos pastores acusados de blocu istradale cun s’agravante de s’addòbbiu de prus persones. Sas acontèssidas sunt sas de s’ierru de su 2019 cando sos traballadores de sos sartos protesteint contra a su preju de su late non bastante. Su giùighe at assòlvidu totu sos imputados. Cuntentos sos pastores interessados e sos de s’assòtziu Libertade pro su suportu legale issoro.

m.p.