Una lista noa a manca? Cun chie? Pro como un'apellu

«La dias sustènnere una lista proposta, in pare cun àteras fortzas polìticas e tzìvicas, dae Sardegna chiama Sardegna? S’in casu chi emmo, comente dias pòdere sustènnere su progetu (sustegnu finantziàriu, promotzione de su progetu eletorale intre sos cuntatos chirchende votos in forma ativa, organizatzione de sa campagna eletorale, cumpetèntzias comunicativas, ponende a disponimentu una candidadura eventuale)? Cales sunt sas cunditziones netzessàrias pro s’atividade e cales lu diant impedire?». Sunt sas dimandas chi Sardegna chiama Sardegna est ponende pro su fràigu de una lista pro sas eletziones regionales de su 2024. Sa cosa chi essit a campu est chi ScS, esperientzia chi si nch’est essida dae su tzentru manca, non si nch’annaghet a su segundu polo de manca e indipendentista, ma est fintzas possìbile chi cussa proposta si siat firmada cun unas cantas siglas abbaidende a ScS. Pro cùrrere in alternativa a totu cantos o pro nch’intrare a àteras coalitziones? 

m.p.