In Casteddu sa cunferèntzia aberta de sa limba sarda

Pustis cras in Casteddu, su 4 de santugaine, sardu, aligheresu, gadduresu, turritanu e tabarchinu ant a èssere protagonistas de sa prima Cunferèntzia aberta de sa Limba sarda. S’apuntamentu est a sas 9 de mangianu cun interventos chi pertocant su bandu Imprentas, sa certificatzione C1 e sos isportellos linguìsticos. Sos traballos, in sa passigiada coberta de su Bastione de Saint Remy, ant a sighire a merie cun sas mesas tundas de arresonu.