«Cbd istupefatzente», narat su ministru. Dae oe in potecaria ebbia

Dae oe no amus a pòdere prus comporare s’ògiu de cannabidiolu (Cbd) in sos cànapa shop, in sas erboristerias e in sos istancos. Su ministru de sa Salude Orazio Schillaci aiat emanadu unu decretu pro chi custa sustàntzia si potzat comporare in sas potecarias ebbia. Su produtu nch’est como in sa tabella 2B de sas meighinas istupefatzentes. Protesta de Federcanapa ca nat chi sa positzione «est in antìtesi cun sos disinnos pigados dae sas autoridades tedescas, inglesas e frantzesas» e ca su Cbd non tenet efetos psicòtropos.