Regionales, campu prus chi non largu pro "battere le destre"

Su campu no est largu, de prus. Su tzentru manca pro sas regionales de annoas naschet oe e in intro bi sunt sos pentisteddados (cosa naturale a pustis de bator annos de opositzione a manu tenta cun su Pd) e sos indipendentistas de Liberu. Sa punna est sa de “battere le destre” (chi l’apant naradu gosi o mancu pagu li càmbiat). E pròpiu Liberu at propostu sas primàrias pro seberare su candidadu ghia de sa coalitzione. Tocat a cumprèndere chie àteru b’at intrare. Sardegna chiama Saerdegna at imbiadu chimbe propostas. Non b’ant a pigare parte – su presente – nen Rossomori nen Rifondazione. Sas dies coladas Claudia Zuncheddu de Sardigna lìbera at iscritu unu pàrrere in s’Unione Sarda critichende sas alleàntzias cun su Pd (in suspu fiat una crìtica a Liberu). Ma galu est chitzo pro cumprèndere sas collocatziones.