“Con le nostre mani” in sa de trexi editzionis de su Social Film Festival Artelesia

Su documentàriu de Emanuel Cossu “Con le nostre mani” est istètiu presentau po sa primu orta ariseu, 26 de su mesi de onniasantu, in su “Social Film Festival Artelesia” de Beneventu, “Concorso Internazionale del Cinema Sociale”.

Lòmpiu ocannu a sa de trexi editzionis, su festival tenit comenti tema sa “Rinascenza”. Su documentàriu fait parti de is 1600 òperas imbiadas a su cuncursu. Intre custas funt 45 is film isceraus e tra custus ddoi at po finas “Con le nostre mani”.

Su documentàriu prodùsiu de “Karel Film and Video Production” de Casteddu est distribuiu de “Emera Film” cun s'agiudu de su MIBACT, de sa Regioni Autònoma de Sardigna e de sa “Sardegna Film Commission”.

“Con le nostre mani” est un'istòria de barrieras e lìmitis superaus. Est difatis s'istòria de de duus bècius, Anna e Giovanni, chi tenint problemas a sa carena ma tenint puru unu bisu: su de fai unu biàgiu po torrai a imbrassai is familiaris insoru.