Panetoni mastrinu: unu de is prus bonus lompit de Tàtari

Su panetoni classicu mastrinu de s’ “Antica Pasticceria Tre Janas 926” de Tàtari fait fueddai de sei bincendi sa medallia de prata in su Campionau po su panetoni prus bonu de su mundu. A ddu pròmoviri est sa “Federazione internazionale pasticceria, gelateria e cioccolateria”.

Ant pigau parti a s'atopu prus de 300 produtoris lòmpius de seti natzionis.  

Su panetoni “Classico” de “Tre Janas” at otentu fama po sabori, po moddesa e calidadi manna meda. A ddu fai est s'azienda de is fradis Rau, Marco, Mimì e Pietro, chi oi ghiant s'ofelleria antiga de famìlia nàscia in su 1926.