S'Itàlia arrestat su Presidenti catalanu Carles Puigdemont

"Sa politzia italiana at impresonau su Presidenti catalanu Carles Puigdemont". Est cantu si ligit in nd'una nota de imprenta mandada de iRS, ProgReS e Torra po pediri sa liberatzioni de su leader catalanu.

"iRS, ProgReS e Torra sighit su comunicau - lamant unu sit-in po cras a mangianu" cenàbara 24 de su mesi de cabudanni, a faci de su Tribunali de Tàtari.

Carles Puigdemont est istètiu impresonau comenti at postu pei in terra sarda. Cabau in s'aeroportu de s'Alighera est istètiu aghilliu de unu nùmeru mannu de politziotus.

"Is autoridadis italianas ant ditzidiu de dd'arrestai - pretzisant is indipendentistas - sighendi s'òrdini de aciapa europeu chi s'Ispagna at presentau a su Tribunali Generali UE". "Un'ordini - sutalineant iRS, ProgReS e Torra - chi perou est istétiu tasidu".