Is primus novas chi pertocant a sa de bintiduas editzionis de su Dromos Festival

De calincuna diri funt arribendi is primus novas chi pertocant a sa de bintiduas editzionis de su Dromos Festival, sa fibera de ispetàculus de mùsica, ma puru de literadura, de tzìnema, de arti e fotografia chi si tenit dognia annu in s’istadi in sa Sardigna tzentru-ocidentali.

Una rassigna culturali aundi is protagonistas funt is comunidadis chi aghillint is artistas e chi dognia annu proponit calincuna novidadi. Intre is de ocannu ddoi est puru s’amparu economicu de Tiscali, acanta a sa Regioni Autònoma de Sardigna, a sa Fondazione di Sardegna e a is comunus chi pigant parti a su festival.

Ma su bellu de sa rassigna funt is ispetaculus. Aici, po s’editzioni 2020, dedicada a su tema de is tentatzionis, s’ufitziu de imprenta de Dromos at fatu giai isciri ca po su 5 de su mesi de austu, intre is bàngius de Fordongianus est stètiu aprontau su cuncertu de Nicolo Fabi, chi at a portai in Sardigna su discu nou cosa sua: “Tradizione e Tradimento”. Unu traballu artisticu fatu impari a Roberto Angelini e Pier Cortese chi arribat a pustis de tres annu de sa “Targa Tenco”.