Apuntamentus: in Casteddu sa primu rassegna indipendenti de teatru pop

(IlMinuto) - Casteddu, 26 de su mes'e maju - Arribbat in Casteddu s'expop Teatru. Sa primu rassegna indipendenti de teatru pop at essi presenti aintru de s'European Jazz Expo. Unu teatru forti, scurrégiu i assolutamenti originali po sa citadi de Casteddu. Una novidadi po is amantis de su teatru e no scéti po issus. Po s'ocasioni difatis s'ant a ammostai tres cumpangias tra is prus interessantis de s'iscena contemporanea internatzionali: "Tony Clifton Circus", "Accademia degli Artefatti" e "Ricci/Forte". Su 27 de su mes'e maju "Tony Clifton Circus" at a portai in iscena "Rubbish Rabitt", un'ispetàculu meda cómicu. Su 28 at a tocai a "My Arm", sa rapresentatzioni de s'"Accademia degli Artefatti" chi disafiat a su púbblicu cun d-unu linguàgiu, unu mundu e unu teatru "uterioris". Sa rassegna at acabbai su 29 de su mes'e maju in is aposentus de su Teatru Cívicu cun "Macadamia Nut Brittle" de Ricci Forte, compagnia "cult" de su teatru pop. S'eventu est dedicau a is linguàgius teatralis nous, aundi su fueddu, is ingestus, estremus puru, e su rítimu, s'ant a imbrassai cun eficacia e càriga innovativa in is palcus de s'EJE de Casteddu. Su 27 e su 28 de su mes'e maju a is 20.45 su logu sceberau po s'ispetàculu at essi su Parcu de Monteclaru, mentris su 29 a is 22.00 su logu de s'eventu at essi su Teatru Cívicu in Casteddu 'e susu.
Po ndi sciri de prus: Sarconline – tel. 070/684275 – sarconline@tiscali.it