Teatru Líricu. Sindacaus: "A foras su grupu dirigenti de sa Fondatzioni. Tocat a puntai asuba de is precàrius"

(IlMinuto) – Casteddu, 21 de su mes''e cabudanni - "Su grupu dirigenti de sa Fondatzioni Teatru Líricu de Casteddu no depit essi torrau a cunfirmai". Est cantu afirmant is sindacaus de categoria Slc Cgil, Fistel Cisl, Fials Cisal, Snater e Fls Css, chi ant arremaciau " sa mancàntzia de preparatzioni de una diretzioni chi no tenit bideas e fervori". Po chistionai de costus, atividadis e produtzioni, is sindacaus ant dimandau debrerssi un'atóbiu a su presidenti de sa Fondatzioni Lírica, su síndhigu de Casteddu Emilio Floris, chi rapresentat, oi, s'únicu interlocutori. Castiendi a su statutu, su 17 de su mes''e cabudanni est difatis est decaiu su Consillu de amministratzioni.

Is sindacaus dimandant de imbistiri "in is risorsas chi funt aintru de su teatru e de ddu fai pighenti is medas traballantis precàrius chi, de medas annus, traballant aintru de sa mantessi istrutura po garentiri sa calidadi e puru po permitiri unu rispàrmiu importanti, senz''e chi si fatzat nesciunu tàgliu a su personali e a sa produtzioni".