"Nudda si creat e nudda si sperdit". In Casteddu cumentzat Alig'Art, manifestada po afestai is atzionis de riciclàggiu creativu

(IlMinuto) – Casteddu, 20 de su mes''e cabudanni - "In natura, si scit, nudda si creat e nudda si sperdit: ddoi est scéti una tramuda de sa matéria, unu camminu continuu de energia. Custa lei est bàlida puru po s'arti e po sa música, ma ita acuntessit in veci a is consumus nostrus?". Est custa sa dimanda chi animat Alig’Art, unu progetu de su Colletivu Sustainable Happiness asuba de is formas de isvilupu sustenìbili, su consumu responsàbbili, is aztzionis de riciclàggiu, s'ambienti. Sa manifestada, chi s'at a tenni de su 24 de su mes''e cabudanni a su 2 de su mes''e ledàminis, at essi aghillia in s'ambitu de su SIGNAL festival 2010, in su Dipartimentu de Architetura de s'Universidadi de is Istudius de Casteddu.

Su progettu, chi cumintzat de unu cuncursu de bideas po designer, creativus, fotògrafus e gràficus, at portau a imbentai un'Expò e tres workshop. Tema centralis: is atzionis de riciclàggiu creativu, de s'ecodesign a sa música. In custu contestu s'assetiant is diversas butegas: "Ecopaperdesign", a cura de Michele Casanova, "My trash home", de s'Assótziu MadeInTrash, e "Riciclo sonoro", su workshop de Michele Sarti. Dógnia butega at essi oberta a unu minimu de 5 participantis e a unu màssimu de 20.