Iscola: su Tribbunali de Nùgoro donat arrexoni a is dexi precarius Gilda

(IlMinuto) - Casteddu, 4 de su mes''e austu - Importanti bitória legali po is precarius de s'istruzioni. Calincuna cida fait su Tribbunali de Nùgoro at difatis aghilliu su recursu de sa Gilda Nugoro contra a s'abbusu de is cuntratus a tempus determinau in is iscolas de su Stadu.
Su Tribbunali at aghilliu su recursu presentau de 10 precarius "declarendi illegali sa fibera de is cuntratus a tempus determinau fattus de s'iscola".
Biu sa sighidura de su raportu de traballu a is precarius at a depi essi riconotu su stipendiu chi spetat a su traballanti fissu (cun totu su dinai de su mes''e làmpadas e de su mes''e austu).
S'Amministrazioni esti stetia cundennada "a donai a is traballantis su dinai chi mancàt ma chi ant maturau po efetu de s'insertamentu nou e legítimu".