Sbarazzu de s'ex Edem de Giorginu. M.G. Caligaris (Sdr): "Istrobbu meda grai in sa comunidadi senegalesa. Intervengant sa Regioni e sa Provìnzia"

(IlMinuto) – Casteddu, 16 de su mes'e fiàrgiu - "Su sbarazzu fattu a sa marolla po is senegalesus chi biviant in is aposentus de s'ex Edem Sarda at creau istrobbus meda grais e fortis malumoris in sa comunidadi de su Senegal, meda numerosa in cittadi e in s'hinterland". Ddu narat Maria Grazia Caligaris, presidenti de s'associazioni "Socialismo Diritti e Riforme". "Est nezzessariu - narat s'esponenti socialista - un'interventu apretosu de sa Regioni, atressu de sa Consulta de s'immigrazioni nomenada cida passada, e de sa Provìnzia". "Is Provìnzias - precisat Caligaris - funt delegadas po lei a sa gestioni de is raportus cun is cittadinus immigraus e ddoi funt puru risorsas fasidas in is fundus europeus".
"Est de pagu contu e no giuat meda una politica chi de unu latu promòvit is istudius e sa ricerca - osservat s'esponenti socialista fueddendi de sa proposta de controllu fatta de sa Consulta - de s'ateru parrit ca no est in gradu de gestiri un'apretu modestu comenti cussu de s'ex Edem Sarda de Giorgino. Su sbarazzu, fattu cun s'impiegu de sa forza pubblica, est tocau a una centina de giòvanus senegalesus, chi tenint totu is documentus in régula e chi pagant s'afitu".
"Sa chistioni de is domus - afirmat ancora sa presidenti de "Socialismo Diritti e Riforme" – comenti cussas chi apartenint a sa saludi e a s'iscola, ambos serbízius pubblicus, est una chistioni chi depint risolviri is amministrazionis de su territoriu, poita su fenómenu de s'immigrazioni bollit nai integrai e arrespetai. No bastat aprontai una bella festa etnica o s'ocupai de is immigraus scéti candu serbint po fai traballus o po fai bella figura in is manifestazionis".