Surcis Igresienti: su sardu intrat in is iscolas cun is progettus de sa Provìnzia

(IlMinuto) - Casteddu, 5 de su mes''e gennargiu - Sa lingua e sa cultura de sa Sardigna intrant in is iscolas de su Surcis Igresienti. Sa Provìnzia at difatis pubblicau unu bandu po su finanziamentu de is progettus de imparu chi iant a depi donai valori a sa cultura e a sa lingua de su territoriu. Totus is iscolas ant a podi presentai una dimanda de finanziamentu intru su 21 de su mes''e gennargiu, segundu su regolamentu de su situ istituzionali (www.provincia.carboniaiglesias.it). "Puru custu progettu - at nau su presidenti de sa Provìnzia Pierfranco Gaviano - est unu signu importanti de s'atenzioni donada a sa memoria istorica de su Surcis Igresienti".