"La Bohéme" in su Teatru Lirico de Casteddu: Seti apuntamentus cun s'opera de Giacomo Puccini

(IlMinuto) - Casteddu, 5 de su mes''e gennargiu - S'opera de Giacomo Puccini torrat a Casteddu a pustis de sesi annus de ausenzia. "La Bohéme" at essi presentada in iscena in su Teatru Lirico de s'8 (20.30, turnu A) a su 17 de su mes''e gennargiu. S'opera - "tragedia de sa gioventudi, perou puru innu de s'amori" - si serbit de duus cast chi si alternant in is seti ispettaculus chi funt in programma. S'Orchestra, su Coru, e su coru de is boxis biancas de su Teatru Lirico ant essi dirìgius de su maistu Anthony Bramall. "Sa Bohéme - si podit liggiri in d'una nota - esti stetia portada in iscena po sa primu borta sa primu diri de su mes''e fiàrgiu de su 1986 in su Teatru Regio de Torinu, e furiat dirigiu de Arturo Toscanini. Giacomo Puccini at iscrittu sa mùsica in otu mesis e s'opera est diventada, in pagu tempus, una de is operas prus amadas e portadas in iscena". S'opera at tenni varius repetus: sabudu 9 de su mes''e gennargiu 2010 a is 19. (turnu G), domìnigu 10 de su mes''e gennargiu a is 17 (turnu D), martis 12 de su mes''e gennargiu a is 20.30 (turnu F), mèrcuris 13 de su mes''e gennargiu a is 20.30 (turnu B), cenabara 15 de su mes''e gennargiu a is 20.30 (turnu C), domìnigu 17 de su mes''e gennargiu a is 17 (turnu E).